مـنـتـديــات عبد المـنعـم الحمـــرى الـفـنـيــة ( السودانية)

مـنـتـديــات عبد المـنعـم الحمـــرى الـفـنـيــة ( السودانية)

منتـــدى عــام . ثقــافى . اجتمــاعى .رياضى .فنى


    إسمك إيه ..عوافى

    شاطر

    عبدالله عبدالرحمن

    عدد المساهمات : 9
    نقاط : 21
    السٌّمعَة : 0
    تاريخ التسجيل : 29/07/2011

    إسمك إيه ..عوافى

    مُساهمة من طرف عبدالله عبدالرحمن في الجمعة يوليو 29, 2011 12:19 am

    اسمك ايه .عوافى

    ما بنكر لغيـرك

    إلهـامي القوافـي

    وابدًا ما نسيت
    كل من لي شوافــي
    لكن داير أقولك
    فيكي جمال خرافـــي
    وفيكي روعة عيون
    زيها اصلو مافـي
    *** *** ***
    لما نظرت لي
    حديثك جـاني دافـي
    معاهو خجل عفيف
    ما كان مني خـافي
    رديت ليك بقول
    لكن ما هو ضـافي
    ما حظي العنيد
    حرم القول يـوافي
    اصلو بلون بلوزتك
    يا رب منو كــافي
    ولون سلسل عليك
    يمكن يبقى شــافي
    دا لو ما لون عيونك
    يا ملكة شغـافي
    *** *** ***
    شعرك يا أم سماح
    لون حـظي المجافي
    وجيدك بين سوادين
    مزينو تبر صـافي
    وكتين حان وداع
    عينيك المـرافئ
    من لفتة إشارة بان
    الماهو خـافي
    وراني العذاب مشيت
    لي بيتنا حــافي
    علي شـــوك الفراق
    مــــتواصل رعافي
    اتقلب حزين
    اقول يارب تكافى
    وما اضمرت سوء

    يااسمك ايه عوافى

      الوقت/التاريخ الآن هو الجمعة ديسمبر 15, 2017 8:11 pm